Jánibek Álimhanuly álem chempıony tıtýly úshin kimmen aıqasatyny belgili boldy

NUR-SULTAN. QazAqparat – Dúnıejúzilik boks uıymy (WBO) qazaqstandyq boksshy Jánibek Álimhanuly men brıtandyq Dennı Dıgnýmnyń jekpe-jegine ruqsat berdi, dep habarlaıdy QazAqparat Sports.kz saıtyna silteme jasap.

WBO óziniń saıtynda Álimhanuly men Dıgnýmnyń komandalaryna orta salmaq sanatyndaǵy álem chempıonynyń ýaqytshy tıtýly úshin jekpe-jek týraly kelisý kerektigin habarlady.

Taraptarǵa ol úshin on kún beriledi. Boksshylar kelise almaǵan jaǵdaıda, promoýterlik saýda taǵaıyndalady. Onyń mınımaldy stavkasy 200 myń dollar bolmaq.

Budan buryn orta salmaqtaǵy WBO chempıony amerıkalyq Eskıva Falko men meksıkalyq Haıme Mýngııa Álimhanulymen aıqasýdan bas tartty.

Dennı Dıgným – WBO nusqasy boıynsha orta salmaqtaǵy Eýropa chempıony, uıym reıtınginde besinshi orynda. Al Álimhanuly – orta salmaqtaǵy WBO reıtınginde ekinshi orynda.