Jánibek Álimhanuly AQSh-ta salmaq ólsheý rásiminen ótti

ASTANA. QazAqparat - Kásipqoı boksta baǵyn synap júrgen Jánibek Álimhanuly búgin AQSh-ta salmaq ólsheý rásiminen ótti, dep habarlaıdy QazAqparat.

Bul týraly boksshynyń PR menedjeri Berik Sultan óziniń Facebook-degi paraqshasynda aıtty. 

"Salmaqtan sátti ótti. Erteń jekpe-jek", - deıdi ol.

Aıta ketsek, Jánibek Álimhanulynyń Amerıkadaǵy alǵashqy jekpe-jegi  Oklandtaǵy boks keshinde ótedi. Segiz raýndtyq jekpe-jekte qazaqstandyq boksshy 27 jastaǵy kolýmbııalyq Karlos Galvange qarsy (16-7-1, 15 KO) judyryqtasady. 

25 jastaǵy qazaqstandyq boksshy kásipqoı rıngte eki ret shyǵyp, ekeýinde de jeńiske jetken.