Jánibek Álimhanuly 20 ret jeńiske jetken amerıkalyqpen aıqasady

NUR-SULTAN. QazAqparat – ESPN jýrnalısi Stıv Kım jeńilip kórmegen qazaqstandyq boksshy Jánibek Álimhanulynyń (8-0, 4 KO) kelesi aıqasyndaǵy qarsylasynyń esimin aıtty, dep habarlaıdy Sports.kz.

Jánibek 26 jastaǵy amerıkalyq Dmıtrıýs Ballardpen (20-0-1, 13 KO) aıqasady. Jekpe-jek 28 naýryzda Kanadanyń Monreal qalasyndaǵy boks keshin ashady. Munda Artýr Beterbıev (15-0, 15 KO) — Men Fanlýn (16-0, 10 KO) aıqasy basty oqıǵa bolmaq.

«28 naýryzda Monrealda Artýr Beterbıev tıtýlyn qorǵaıtyn shoýdy Jánibek Álimhanuly men Dmıtrıýs Ballard jekpe-jegi ashatyndyǵy aıtylýda», - dep jazdy Kım.

Buǵan deıin Álimhanulymen aıqastan Gennadıı Golovkınniń burynǵy qarsylasy Stıv Rolls bas tartqany málim bolǵan edi.