Jańǵyrtý jumystarynyń nátıjesinde «QazAqparat» agenttiginiń oqyrmandary aıtarlyqtaı arta túsedi - Darhan Myńbaı
ASTANA. 13 shilde. QazAqparat - Memlekettik buqaralyq aqparat quraldarynda óziniń jýrnalısterinen jáne rekdaktorlarynan quralǵan ózindik Internet-redaktsııalar paıda bolady.
Sonymen qatar jyl sońyna deıin 200-ge tarta óńirlik basylymdar Internette elektrondyq nusqalaryn ashady. Bul týraly búgin Astanada QR Mádenıet jáne aqparat mınıstri Darhan Myńbaı málim etti.
«Mınstrlik Internette memlekettik saıasatty júzege asyrýdy kúsheıtý boıynsha jumysty bastady. Memlekettik buqaralyq aqparat quraldarynda redaktorlar men jýrnalısterdiń bólek shtatymen qamtamasyz etilgen tolyqqandy Internet-redaktsııalar qurý máselesi qaralyp jatyr. Búginde «Habar» jáne «Qazaqstan» telearnalary kún saıyn jelige ózderiniń jańylyqtaryn, fılmderin, telejýrnaldaryn, beıne baıandaryn jáne baǵdarlamalaryn salyp turady. Mınıstrlik 2011 jylǵa qaraǵanda Internettegi jobalardy maqsatty qarjylandyrýdy 50 paıyzǵa arttyrdy. Bıyldyń birinshi jartyjyldyǵynda «QazAqparat» aqparattyq agenttigin jańǵyrtý boıynsha jumystar bastaldy. Internettiń zamanýı múmkindikterin eskere otyryp, agenttik jelisiniń oqyrmandaryn táýligine 500 myńǵa deıin jetkizýge múmkindik beretin jańa mýltımedııalyq servıster iske qosylady. «QazAqparat» 6 tilde jumys isteıtin bolady»,- dedi vedomstvo basshysy QR Mádenıet jáne aqparat mınıstrliginiń alqa májilisinde
Sonymen qatar D. Myńbaı jergilikti jerlerdegi ákimdiktermen birlese óńirlik gazetterdiń Internet nusqasyn iske qosý boıynsha jumystar júrip jatqanyn atap ótti. Bıyldyń ózinde 200 basylym ǵalamtorda taralady dep kútilýde.
