Jańǵyrtý máseleleri jónindegi ulttyq komıssııa qurý - 5 ınstıtýtsıonaldyq reformalardy iske asyrýdyń mańyzdy faktory - saıasattanýshy
ASTANA. QazAqparat - Memleket basshysynyń shuǵyl merzimde Jańǵyrtý jónindegi ulttyq komıssııa qurýy 5 ınstýtsıonaldyq reformalardy sátti iske asyrýdyń mańyzdy faktory bolyp tabylady, dep sanaıdy Qazaqstan saıasattanýshlar kongresiniń múshesi Farıda Oqasova.
Ulttyq komıssııanyń quramyn bekitken Qazaqstan Prezıdenti reformalaýdyń ár baǵyty boıynsha naqty basshylardy aıqyndady.
«Bul zańnama, eldiń áleýmettik-ekonomıkalyq, qoǵamdyq-saıası damýy salasyndaǵy reformalar júıeli negizde teń iske asyrylatynyn bildiredi. Sondaı-aq Memleket basshysy Ulttyq komıssııanyń birinshi otyrysynda ult jospary - odan ári memlekettik qalyptasýdyń 100 naqty qadamy usynylatynyn aıtty. Sheshimder qabyldaýdyń jedeldigi, qarqyndy damýǵa baǵyttylyq 5 ınstıtýtsıonaldyq reformalardy oılaǵydaı iske asyrýdy qamtamasyz etý úshin erekshe serpin beredi», - dep atap ótti ol.
