Jangeldın kóshesi boıynsha qozǵalys 1 qyrkúıekke deıin shekteledi
ASTANA. 9 shilde. QazAqparat - Búgin 22:00-den bastap jóndeý jumystaryna baılanysty Jangeldın kóshesiniń Saryarqa dańǵylynan Jeńis dańǵylyna daıingi jáne Jeńis dańǵylynan Jeltoqsan kóshesine deıingi aralyqtary jabylady.
Bul týraly qalalyq ákimdiktiń baspasóz qyzmeti málimdeıdi.
Joba sheńberinde ınjenerlik jelilerdi damytý, júrý aýmaǵyn keńeıtý, qosymsha turaqtar jasaý, quramyna jaryqtandyrý, kógaldandyrý kiretin abattandyrý jumystaryn júrgizý, trotýarlar men jaıaý júrginshiler joldaryn salý jáne jańa baǵdarsham qondyrǵylaryn, jol belgilerin, sondaı-aq, basqa da jol qozǵalysyn retteýshi quraldar ornatý jumystary qamtylǵan.
Jóndeý jumystaryn júrgizý úshin jol 1 qyrkúıekke deıin jabylady.
Astana qalalyq jol polıtsııasy basqarmasy elorda turǵyndary men qonaqtarynan jolda erekshe saq bolýdy, balama qozǵalys marshrýtyn aldyn ala belgilep alýdy, sondaı-aq jol belgilerine nazar aýdaryp, jol erejelerin qatań saqtap júrýdi suraıdy.
