Janǵalı Júzbaı: Saılaý - ýaqyt talabynan týyp otyrǵan dúnıe

ALMATY. QazAqparat - QR Eńbek sińirgen qaıratkeri, kúıshi, Qazaq ulttyq óner ýnıversıtetiniń professory Janǵalı Júzbaı kezekten tys Prezıdent saılaýyn ótkizý týraly Prezıdent úndeýine qatysty oıymen bólisti, dep habarlaıdy QazAqparat tilshisi.

Óner adamy prezıdent saılaýyna oń pikirmen qaraıtynyn aıtty.

«Saılaýǵa oń pikirmen qaraımyn. Bul - ishki syrtqy saıasattyń durys júrgizilýiniń alǵysharty, ýaqyttyń talabynan týyp otyrǵan dúnıe. Halyqtyń demokratııalyq tańdaýy barlyq máseleniń sheshimi bolady dep oılaımyn. Saılaýdy qoldaımyz. Onyń erte ótkeni durys. Óıtkeni, memlekettiń aldynda aýqymdy saıası-áleýmettik máseleler tur. Solardyń bárin tııanaqty iske asyrý úshin bılik basyna laıyqty azamattar kelýi kerek», - dedi Janǵalı Júzbaı.

Aıta ketý kerek, Memleket basshysy Qasym-Jomart Toqaev Qazaqstan Respýblıkasy Prezıdentiniń kezekten tys saılaýyn taǵaıyndaý týraly Jarlyǵyn jarııa etti.

Jarlyqqa sáıkes, Qazaqstan Respýblıkasy Prezıdentiniń kezekten tys saılaýy 2019 jyldyń 9 maýsymynda ótetin boldy.

Óz sózinde Qasym-Jomart Toqaev saılaýdyń ashyq, ádil ótetinine ózi kepildik beretinin aıtty.

«Qazaqstan - demokratııalyq memleket. Prezıdent halyqtyń tańdaýymen saılanady. Men, Memleket basshysy retinde, saılaýdyń taza, ashyq ári ádil ótýine kepildik beremin! Bul - meniń berik ustanymym! Aldymyzda zor mindetter tur. Men halqymyzǵa, ıaǵnı Sizderge senemin», - dedi Qasym-Jomart Toqaev.