Jańǵaq júrek aýrýlarynan qorǵaıdy
ASTANA. QazAqparat - Kúnine jańǵaqtyń bir portsııasyn paıdalaný - júrek aýrýlaryna shaldyǵý qaýpin edáýir qysqartatynyn jańa zertteý jumystary kórsetti. Bul týraly Day.Az Rosbaltqa silteme jasap habarlady.
Ǵalymdardyń pikirinshe, kúndelikti ratsıonǵa jerjańǵaq, keshıý jáne brazılııalyq jańǵaqtardy qosý arqyly júrek dertine shaldyǵý qaýpin 30% tómendetýge bolady. Sondaı-aq, jańǵaqtar onkologııalyq aýrýlardyń aldyn alýda da 10% paıdasy bar.
Bir zertteýshiniń sózine qaraǵanda, jańǵaqtyń quramyndaǵy paıdaly zattar organızmdi holesterınnen aryltýǵa septesedi, ıaǵnı túrli dertterdiń paıda bolý qaýpin báseńdetedi. Sarapshylar jańǵaqtardy kóbirek paıdalanýǵa keńes beredi.
