«Jańǵaq daýyna» qalǵan «Korean Air-diń» vıtse-prezıdenti kinásin sot aldynda moıyndamady
ASTANA. QazAqparat - Seýl qalasynda Korean Air áýe kompanııasy basshysynyń ushaqta durys berilmegen jańǵaqtar úshin janjal shyǵaryp, ushaqtyń keshigip ushýyna sebepker bolǵan qyzy Cho Henge qatysty sot protsesi ótti, dep habarlady VVS.
Korean Air vıtse-prezıdenti qyzmetinde bolǵan Cho Hen avıatsııalyq qaýipsizdik erejelerin buzdy dep aıyptalǵan. Dúısenbi kúni ótken birinshi otyrysta ol óz kinásin moıyndaýdan bas tartty.
Onyń qorǵaýshylar Cho Henniń kinásin naqtyraq aıtqanda, stıýardtardyń oǵan jańǵaqtardy tárelkemen emes, paketpen berýi úshin ushaqty ushtyrmaýdy talap etkenin joqqa shyǵarmaıdy. Alaıda, qorǵaýshylardyń aıtýynsha, Cho Henniń osyndaı talaptaryn qaýipsizdik erejelerin buzý retinde qaraýǵa bolmaıdy, óıtkeni ushaq otyrǵyzý oryndalǵan jerden alys emes jerden qaıtqandyqtan onyń baǵyty aıtarlyqtaı ózgergen joq.
Osy janjaldan keıin kompanııanyń vıtse-prezıdenti qyzmetin atqaryp kelgen Cho Hen jumystan ketip, bortserikterinen óziniń kelispeıtin qylyǵy úshin keshirim surady.
