Jandos Jaqsykeldınov: Tsıfrlandyrý - reformalardyń óte mańyzdy bóligi
«2020 jylǵy 1 qyrkúıektegi Memleket basshysy Qasym-Jomart Toqaevtyń Qazaqstan halqyna Joldaýy elimiz úshin eleýli saıası oqıǵalardyń biri. Óıtkeni onda Memleket basshysy elimizde qalyptasqan dástúr boıynsha qoǵam damýynyń negizgi vektorlaryn belgileıdi. Men úshin Qasym-Jomart Toqaevtyń osy jolǵy Qazaqstan halqyna Joldaýy formasymen de, mazmunymen de erekshe. Elimizdiń ár azamaty Joldaýdan eń aldymen óziniń kúndelikti ómirine qatysty máselelerdi sheshýge kómektesetin málimetti izdeıdi. Joldaýda Qazaqstan ekonomıkasy úshin tsıfrlyq dáýirdiń jahandyq syn-qaterleri men múmkindikteri eskerilgeni meni erekshe qyzyqtyrdy. Rasymen de, adamzat qaýymy jyl sanap emes, aı sanap, tipti apta men kún sanap tsıfrlandyrý zamanynyń sıqyrly álemine enip barady. Tsıfrlandyrý tehnologııalary degenimiz – bul buryn-sońdy adamzat bastan keshpegen ǵajaıyp álemniń jańa quraldary. ıAǵnı, qazirgi tańda bul tehnologııalar jasaqtalý ústinde. Olar qazirdiń ózinde biz tamsanyp aıta beretin aqparattyq tehnologııalardyń ózin jolda qaldyra bastady. Shynynda, álem kúrdeli ózgerister kezeńine aıaq basyp, jedel ózgerip jatqan kezeńde elimiz Qazaqstan úshin bul salany damytýdyń ózektiligi óte joǵary bolyp otyr», - dedi ǵalym.
Onyń paıymynsha, qazirgi kezde bizdiń aldymyzda tsıfrlyq teńsizdikti joıý, ınternetke barynsha qol jetkizýdi jáne barlyq azamattardyń sapaly baılanysyn qamtamasyz etý mindeti tur. Prezıdent Qasym-Jomart Toqaev «Qazirgi kezde zeınetaqy men járdemaqy taǵaıyndaý kezinde adamdardyń qandaı problemalarǵa tap bolatynyn kórip otyrmyz. Bul protsesterdi tolyq tsıfrlandyrý qajet. «Júgiretin« adamdar emes, «derekter« bolýy kerek» dep atap ótkendeı, tsıfrlandyrý qoǵamdyq ómirimizdi anaǵurlym tolyǵyraq qamtysa, soǵurlym ekonomıkalyq qatynastar shıraı túsetin bolady. Memlekettik mekemeler arasyndaǵy ózara is-qımyldar men azamattarmen baılanysta «qaǵazbastylyqtan» arylýǵa umtylý qajet. Osy turǵydan Prezıdenttiń jyl sońyna deıin suranysqa ıe anyqtamalar men qaǵaz rastamalardy aqparattyq tsıfrlyq anyqtamalarmen almastyrýdy tapsyrýy óte qajet qadam dep bolmaq.
«Bilim berý júıesin tsıfrlandyrý – qazirgi ýaqytta Úkimetimiz júrgizilip jatqan reformalardyń óte mańyzdy bóligi. Prezıdent Joldaýyndaǵy Tsıfrlandyrý - barlyq reformalardyń negizgi elementi dep atalatyn ІH bólimde «Tsıfrlandyrý – bul sán úrdisin ustaný emes, ulttyq básekege qabilettilikke qol jetkizýdiń negizgi quraly» dep, keleshekke baǵyt-baǵdar berdi. Elimizdiń ǵylym-bilim salasyndaǵy zııaly qaýym endigi ýaqytta osy baǵytta oń ózgerister bolatynyna senimmen qarap, alǵa qoıylǵan maqsatqa judyryqtaı jumylyp kirisedi dep oılaımyn», - dedi Jandos Jaqsykeldınov.