Jandos Shaımardanov jańa qyzmetke taǵaıyndaldy
ASTANA. KAZINFORM – Jandos Shaımardanov Prezıdent janyndaǵy Qazaqstannyń strategııalyq zertteýler ınstıtýtynyń dırektory laýazymyna taǵaıyndaldy. Bul týraly Aqordanyń baspasóz qyzmeti habarnlady.
— Memleket basshysynyń ókimimen Jandos Nurlanuly Shaımardanov Qazaqstan Respýblıkasy Prezıdentiniń janyndaǵy Qazaqstannyń strategııalyq zertteýler ınstıtýtynyń dırektory laýazymyna taǵaıyndaldy, — delingen habarlamada.
Jandos Nurlanuly Shaımardanov 1987 jyly Shyǵys Qazaqstan oblysynda dúnıege kelgen. Iork ýnıversıtetin (Ulybrıtanııa), IE ýnıversıtetin (Ispanııa) bitirgen.
Eńbek jolyn 2009 jyly QR Ekonomıka jáne josparlaý mınıstrliginde bas sarapshy qyzmetinen bastaǵan.
2010–2013 jyldary — «Samuryq-Qazyna» UÁQ AQ menedjeri.
2013–2014 jyldary — QR Ekonomıka jáne bıýdjettik josparlaý mınıstrligi Memlekettiń mindettemelerin basqarý jáne qarjy sektoryn damytý saıasaty basqarmasynyń bas sarapshysy.
2014–2016 jyldary — QR Ulttyq ekonomıka mınıstrligi Strategııalyq josparlaý jáne taldaý departamentiniń dırektory.
2016–2019 jyldary — Departament dırektory, «Báıterek» UBH AQ basqarýshy dırektory.
2019–2020 jyldary — «QazTech Ventures» AQ basqarma tóraǵasy.
2020–2022 jyldary — QR Ulttyq banki Aqsha-nesıe saıasaty departamentiniń dırektory.
2022–2023 jyldary — QR Strategııalyq josparlaý jáne reformalar agenttigi Ulttyq statıstıka bıýrosynyń basshysy.
2023–2025 jyldary — QR Strategııalyq josparlaý jáne reformalar agenttiginiń tóraǵasy.
Aıta ketelik Qazaqstannyń strategııalyq zertteýler ınstıtýtynyń dırektory qyzmetinen ketkeni týraly jazǵan edik.