Jandos Shaımardanov qyzmetinen bosatyldy

ASTANA. KAZINFORM – Memleket basshysynyń Jarlyǵymen Jandos Shaımardanov Strategııalyq josparlaý jáne reformalar agenttiginiń tóraǵasy laýazymynan bosatyldy. Bul týraly Aqordanyń baspasóz qyzmeti habarlady.

- Memleket basshysynyń Jarlyǵymen Jandos Nurlanuly Shaımardanov Qazaqstan Respýblıkasynyń Strategııalyq josparlaý jáne reformalar agenttiginiń tóraǵasy laýazymynan bosatyldy, - delingen habarlamada.

1987 jyly 24 aqpanda Shyǵys Qazaqstan oblysynda týǵan.

2009 jyly «Bolashaq» stıpendııasy boıynsha Ulybrıtanııadaǵy Iork ýnıversıtetin «Ekonomıka jáne qarjy» mamandyǵy boıynsha bitirgen.

2020 jyly Ispanııadaǵy IE ýnıversıtetinde Bıznes-taldaý jáne Big Data magıstri dárejesin alǵan.

Eńbek jolyn 2009 jyly QR Ekonomıka jáne josparlaý mınıstrliginde bas sarapshy qyzmetinen bastaǵan.

2010-2013 – «Samuryq-Qazyna» AQ menedjeri.

2013-2014 – QR Ekonomıka jáne bıýdjettik josparlaý mınıstriniń keńesshisi.

2014-2016 – QR Ulttyq ekonomıka mınıstrligi Strategııalyq josparlaý jáne taldaý departamentiniń dırektory.

2016-2019 –«Báıterek» UBH» AQ departament dırektory, basqarýshy dırektory.

2019-2020 – «QazTech Ventures» AQ Basqarma tóraǵasy.

2020-2022 – QR Ulttyq Bankiniń aqsha-kredıt saıasaty departamentiniń dırektory.

2022-2023 – QR Strategııalyq josparlaý jáne reformalar agenttiginiń Ulttyq statıstıka bıýrosynyń basshysy.

2023 jylǵy 16 qyrkúıekten bastap, Qazaqstan Respýblıkasy Strategııalyq josparlaý jáne reformalar agenttiginiń tóraǵasy.

Prezıdenttik Jastar kadr rezerviniń múshesi.