Jandos Búrkitbaev QR Densaýlyq saqtaý vıtse-mınıstri laýazymynan bosatyldy
ASTANA. KAZINFORM – Jandos Búrkitbaev QR Densaýlyq saqtaý vıtse-mınıstri qyzmetinen bosatyldy. Vedomstvo ókilderi bul aqparatty rastady.
J.Búrkitbaev bul laýazymda 2021 jyldyń qańtarynan berri otyr.
Jandos Búrkitbaev 1971 jyly Jambyl oblysynda týǵan. Ol 1996 jyly S.Asfendııarov atyndaǵy Almaty ulttyq medıtsına ýnıversıtetin «Emdeý isi» mamandyǵy boıynsha, 2003 jyly L.Gýmılev atyndaǵy Eýrazııa ulttyq ýnıversıtetin «Melekettik jáne jergiliki basqarý» mamandyǵy boıynsha jáne 2007 jyly Ońtústik Qazaqstan oblystyq memlekettik medıtsına akademııasyn «Farmatsııa» mamandyǵy boıynsha, 2018 jyly «QDSJM» qazaq medıtsınalyq ýnıversıtetin bitirgen.
Eńbek jolyn 1996 jyly Almaty qalalyq klınıkalyq jedel járdem aýrýhanasynda jalpy terapevt dárigeri bolyp bastady. Ár jyldary Almaty qalasyndaǵy Respýblıkalyq apattar medıtsınasy ortalyǵynda dáriger, Densaýlyq saqtaý mınıstrliginde bas maman, bólim bastyǵy, basqarma basshysy, Áleýmettik máseleler jónindegi komıtettiń qyzmetin qamtamasyz etý basqarmasy bastyǵynyń orynbasary, QR Parlamenti Májilisiniń áleýmettik-mádenı damý komıteti qyzmetin qamtamasyz etý bólimi meńgerýshisiniń orynbasary qyzmetterin atqarǵan.
2008 jyly elordadaǵy «Qan ortalyǵy» ShJQ MQK basqardy.
2019 jyldyń 23 qańtarynan bastap «Ulttyq ǵylymı onkologııalyq ortalyǵy» JShS basqarma tóraǵasy qyzmetin atqardy.
2021 jyldyń qańtarynda QR Densaýlyq saqtaý vıtse-mınıstri bolyp taǵaıyndaldy.
