Jándikterdiń joıylý problemasy biz oılaǵannan da aýqymdy – ǵalymdar
NUR-SULTAN. QazAqparat - Ǵalymdar jándikterdiń sany azaıyp jatqanyn dáleldegen edi. Sońǵy zertteýler nátıjesinde olar bul problema biz oılaǵannan da aýqymdy ekenin anyqtady, dep jazady Tages-Anzeiger.
Shveıtsarııanyń orman, qar jáne landshaft zertteý ınstıtýty men Bern ýnıversıtetinen quralǵan halyqaralyq komanda 2008-2017 jyldar aralyǵyndaǵy kórsetkishterdi saraptaǵan. Olardyń aıtýynsha, sońǵy on jylda jándikterdiń barlyq túrleriniń úshten biri joıylyp ketken. Bul týraly ekologtar Nature jýrnalynda jazdy.
«Zertteýshiler Germanııanyń úsh aýmaǵyndaǵy 300 aýdanda kezdesetin mıllıonǵa jýyq jándikterdi jınaǵan. Ol shamamen 2,7 myń túr ókilderi bolǵan. Ǵalymdar aýyl sharýashylyǵy jaqsy damyǵan jerlerde jándikterdiń joıylý qarqyny joǵary ekenin anyqtaǵan» dep jazady basylym.
Avtordyń aıtýynsha, ormandy jerlerde jándikterdiń túrleri 36%-ǵa azaıǵan.
Sonymen qatar, olardyń jalpy sany da kemip jatyr. Ǵalymdar ormandaǵy jándikterdiń bıomassasy on jylda 41%-ǵa azaıǵanyn aıtty.
