Jándikter júz jyldan soń jer betinen joıylyp ketýi múmkin

ASTANA. QazAqparat - Búginde búkil álem boıynsha jándikterdiń azaıyp jatqanyn baıqaýǵa bolady. Eger bul qubylysty toqtata almasaq, onyń saldary úlken apatqa ákelýi múmkin. The Guardian basylymynyń jazýynsha, ǵalymdar mundaı qorytyndyǵa kelý úshin kóptegen zertteýler júrgizgen.

«Sıdneı ýnıversıtetinde avstralııalyq ekologFrantsısko Sanchez-Baıonyń basshylyǵymen ǵalymdar jándikter sanynyń azaıýyna qatysty 73 zertteýge analız jasaǵan. Ǵalymdardyń aıtýynsha, jándik túrleriniń jartysy azaıyp, al úshten biri joıylý aldynda tur. Zertteýde jándikter bıomassasy jyl saıyn 2,5 ese kemıtini jazylǵan. Mundaı qarqynmen jándikter júz jyldan soń joıylyp ketedi», dep jazady basylym.

Avtordyń aıtýynsha, adamdardyń jándikke jany ashymaıdy.

«Adamdar qurt-qumyrsqalarǵa kelgende tyjyrynady, olardyń neǵurlym az bolǵany jaqsy dep oılaıdy. Biraq tutastaı bir ekologııalyq júıeniń kúırep jatqany óte qaýipti» dep jazady avtor.