Jandarbek Bekshın Oraza qarsańynda almatylyqtarǵa úndeý joldady
ALMATY. QazAqparat- Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın Ramazan aıy qarsańynda megapolıs turǵyndaryna úndeý jasady, dep habarlaıdy QazAqparat tilshisi.
«Biz qasıetti Ramazan aıynyń qarsańynda úndeý joldap jatyrmyz. Esterińizde me, byltyr aýyzashar kezinde koronavırýs ınfektsııasyn juqtyrǵandardyń sany artqan bolatyn. Osyny eskerip bıylǵy Ramazan aıynda bizdiń azamattarymyz ujymdyq is-sharalardy, sonyń ishinde úıge qonaq shaqyrýdy azaıtýlaryn suraımyz»,- dedi ol.
Eske salaıyq, Almatyda shekteýli karantındik sharalar jeńildetildi. Saýda ortalyǵy men bazarlarǵa jumys kúnderi jumys isteýge ruqsat berildi. Bul týraly qalanyń bas memlekettik sanıtarlyq dárigeri Jandarbek Bekshınniń qaýlysynda jazylǵan.
