Jandarbek Bekshın menıngıttiń taralý sebebin anyqtaýǵa kiristi

ASTANA. QazAqparat - Menıngıt juqpasynyń elimizdiń aýmaǵynda taralýy sebebin anyqtaýǵa úsh apta ýaqyt kerek. Bul týraly búgin Ortalyq kommýnıkatsııalar qyzmetindegi brıfıngte QR Bas memlekettik sanıtarııalyq dárigeri Jandarbek Bekshın aıtty, dep habarlaıdy QazAqparat tilshisi.

«Materıaldar jınadyq, genomdyq saraptama júrgiziletin bolady. Sodan keıin sıpattamasyna salystyrmaly saraptama jasap, qorytyndy shyǵaramyz. Menińshe, bul jumystarǵa shamamen úsh apta ýaqyt ketedi», - dedi Bekshın.

Onyń aıtýynsha, osy jumystar aıaqtalǵannan keıin menıngıt juqpasynyń elimizde burynnan bar dert ekendigi, týrıster ne sheteldik qonaqtardan taralǵany naqty anyqtalatyn bolady.

«Bizdiń halqymyz da bıznes máselelerimen týrıstik saparlarmen únemi qozǵalysta bolady. Qazaqstannyń ishinde de kóshi-qon protsesi óte joǵary», - deıdi Bas sanıtarlyq dáriger.

Aıta keteıik, jyl basynan Qazaqstanda menıngıt ınfektsııasyn juqtyrǵan 58 naýqas tirkeldi. Olardyń 18-i 14 jasqa deıingi balalar. Dertten 13 adam kóz jumdy, sonyń ishinde beseýi 14 jasqa deıingi jetkinshekter ekendigin belgili.