Jandarbek Bekshın qyzylshanyń órshýine qatysty túsinikteme berdi

ASTANA. QazAqparat - QR Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy - bas memlekettik sanıtar dáriger Jandarbek Bekshın Almaty men Aqmola oblystarynda qyzylshanyń órshýine qatysty túsinikteme berdi, dep habarlaıdy QazAqparat tilshisi.

«Qyzylsha Astanada keń tarap, Almaty men Almaty oblysynda birshama artyp otyr. Almatyda 50, Aqmolada 41 oqıǵa tirkelgen. Bul - zerthanalyq natylanǵan oqıǵalar. Qajetti vaktsına kólemi bar», - dedi ol Úkimet otyrysynan keıin BAQ ókilderine.

Onyń aıtýynsha, bıyl negizinen balalar arasynda qyzylsha órship tur. Naýqastanǵandardyń 60-70 paıyzyn balalar quraıdy. Qyzylsha qaýpi seıilmeı otyrǵan 3 óńir turǵyndaryna aýrýǵa qarsy ekpe 9 aı keıin salynatyn bolady.

«Qazir 100 myń turǵynǵa jetetin vaktsınaǵa qosymsha tapsyrys berdik. Bul qyzylshaǵa qarsy monovaktsına. Sonymen qatar Dúnıejúzilik saýda uıymy tarapynan qyzylshaǵa qarsy dı-vaktsınalardy tegin alý máselesin qarastyryp jatyrmyz. Qosa keterligi, 90-shy jyldarda jáne 2000 jyldardyń basynda vaktsına alǵan eresek adamdar ishinde de qyzylshamen aýyrlǵandar bar», - dedi Jandarbek Bekshın.

Buǵan deıin habarlaǵanymyzdaı, Aqmola oblysynda kún sýytqannan beri qyzylshaǵa baılanysty 49 oqıǵa tirkeldi. Al Aqtóbede 7 bala qyzylsha juqtyryp, em qabyldap jatyr.

Jalpy sońǵy 2 aıda Qazaqstanda 968 adam qyzylsha aýrýyn juqtyrǵan, onyń 80 paıyzy - balalar