Jandarbek Bekshın Qytaıdan kelgen azamattardan emhanaǵa barýdy ótindi
«Biz 6 qańtardan bastap Qytaıdan kelgen barlyq sheteldikpen jáne azamattarymyzben baılanys ornattyq. Olarmen Densaýlyq saqtaý mınıstrliginiń ókilderi jáne jergilikti medıtsına qyzmetkerleri tikeleı habarlasyp otyr. Barlyǵynan emhanalarǵa barýlaryn suraımyz. Aýrý adamdar, ásirese dene qyzýy bar adamdar bizdiń mamandardyń kómegine júginýi jáne esepke turýlary kerek. Olar 14 kúni boıy kúndelikti medıtsınalyq baqylaýda bolady», -dedi Jandarbek Bekshın.
Onyń aıtýynsha, qazirgi tańda elimizde koronavırýsqa baılanysty emes adamdardyń dene qyzýynyń kóterilýi jıilep otyr.
«Bul jyl saıyn bolatyn maýsymdyq JRVI men tumaýdyń órshý kezeńimen tuspa-tus kelip tur. Osy aýrýlardyń alǵashqy belgileri birdeı bolady. Sondyqtan eń aldymen koronavırýstyń aldyn alý úshin, halyqqa túsindirý úshin jýrnalıster men blogerlerden aldyn alý sharalaryn shatastyrmaýdy, jaýapkershilik saqtaýdy suraımyn», - dedi bas sanıtarlyq dáriger.