Jandarbek Bekshın Qytaı shekarasyndaǵy jaǵdaı qandaı ekenin aıtty

NUR-SULTAN. QazAqparat – QR Bas memlekettik sanıtarııalyq dárigeri Jandarbek Bekshın Qytaımen shekaradaǵy júk kóligi júrgizýshilerin tekserý jumystary týraly aıtyp berdi, dep habarlaıdy QazAqparat tilshisi.

«Qytaımen shekarany aralaý nátıjesinde, qytaılyq jáne bizdiń taraptyń aýrý juqtyrý qaýpin azaıtý maqsatynda Qazaqstannyń aýmaqtyq departamentterine, shekara qyzmeti men keden qyzmetine mindettemelerdi bólý shemalaryn jasaý tapsyryldy», - dedi Jandarbek Bekshın Ortalyq kommýnıkatsııalar qyzmetinde ótken baspasóz máslıhatynda.

Sonymen birge, J. Bekshın Qazaqstan men Qytaı arasynda júk tasymalynyń toqtamaǵanyn atap ótti.

«Júk tasymalymen aınalysatyn qyzmetkerlerge, onyń ishinde júrgizýshilerge qatysty esh qaýiptiń joqtyǵyn anyqtadyq. Gazben aınalysatyn kólik júrgizýshileri úshin de qaýip joq. Olar kedendik aımaqqa eki saǵatqa kiredi jáne Qazaqstanǵa ótpeıdi. Basqa da aýyr júk kólikteri júrgizýshileri shekara aımaǵynda tur. Qytaılyq taraptan da, bizdiń taraptan da sharalar qabyldap jatyr. Kólik júrgizýshileri baqylaýǵa alynǵan», - dedi bas dáriger.

Onyń aıtýynsha, tekserý jumystary kúnine eki ret júrgiziledi.