Jandarbek Bekshın koronavırýstyń «ıota» shtamy týraly aıtty

ALMATY. QazAqparat - Almaty qalasynyń sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın koronavırýstyń «ıota» shtamy qanshalyqty qaýipti ekendigin aıtty, dep habarlaıdy QazAqparat tilshisi.

Onyń aıtýynsha, «ıota» shtamy qart adamdar arasynda koronavırýstan qaıtys bolý deńgeıin arttyrýy múmkin.

«Iota» ótken jyldyń qarashasynda Nıý-Iorkte tabylǵan. Onyń juqpalylyǵy Ýhan vırýsyna qaraǵanda 15% joǵary. Búginde qaýipti shtamm álemniń 27 elinde anyqtaldy. Bul shtamm týraly kóptegen málimetter bar. Dúnıejúzilik densaýlyq saqtaý uıymy da alańdap otyr. Kóbinese 65 jastan asqan adamdar zardap shegedi»,- deıdi Jandarbek Bekshın.

Spıker «delta» shtamynyń juqpalylyǵy Ýhan shtamynan úsh ese joǵary ekenin tilge tıek etti. Sondyqtan qazirgi ýaqytta koronavırýstyń «delta» shtamy «ıota» shtamyna qaraǵanda qaýipti.

«Búginde «delta» «ıotany» yǵystyrdy, sonymen qatar AQSh-ta da basym. Bizdiń mindet - el keńistigin basyp qalǵan «deltanyń» neǵurlym juqpaly shtamyna qarsy turý», - dep atap ótti ol.