Jandarbek Bekshın: Koronavırýstyń ekinshi tolqyny kúzde bastalýy múmkin
NUR-SULTAN. QazAqparat - Almaty qalasynyń bas sanıtarlyq dárigeri Jandarbek Bekshın COVID-19 ekinshi tolqyny týraly pikir bildirdi, dep habarlaıdy QazAqparat.
«Mundaı pikirge negiz bar, óıtkeni koronavırýs ınfektsııasy jiti respıratorlyq vırýstyq ınfektsııa bolyp sanalady. Biraq, JRVI kúz ben qystyń basynda, salqyn ýaqytta bastalady. Sondyqtan, men de koronavırýstyń ekinshi tolqyny kúzgi ýaqytta bastalýy múmkin dep esepteımin», - dedi Jandarbek Bekshın Almaty telearnasyna bergen suhbatynda.
Sonymen birge, dáriger qala turǵyndaryna bosańsymaýǵa keńes berdi.
«Infektsııa juqtyrý jaǵdaılary áli de tirkelip jatyr jáne epıdemıologtar usynǵan shekteýler men qaǵıdalar saqtalýy tıis», - dedi ol.
Onyń aıtýynsha, 11 mamyrdan keıingi karantın rejımi boıynsha kóptegen suraqtar túsip jatyr. Ázirge respýblıkanyń bas sanıtarlyq dárigeriniń tıisti qaýlysy kútilýde.
«Árıne, negizgi qaýlyda aıtylmaǵan tustardy qosamyz. Jáne olardyń qatań saqtalýyn suraımyz», - dedi J. Bekshın.
Eske salaıyq, Almatynyń bas sanıtarlyq dárigeri qalada karantın rejımi 11 mamyrdan keıin de saqtalatynyn aıtqan bolatyn. Osyǵan baılanysty shaharǵa kireberis joldardaǵy blokpostar jumysyn jalǵastyrady,
