Jandarbek Bekshın koronavırýstyń eki shtamyn juqtyrý múmkindigi týraly aıtty
ALMATY. QazAqparat - Almaty qalasynyń bas sanıtarlyq dárigeri Jandarbek Bekshın onlaın brıfıng barysynda koronavırýstyń eki shtamyn bir ýaqytta juqtyrý múmkin be? degen saýalǵa jaýap berdi, dep habarlaıdy QazAqparat tilshisi.
«Árıne, teorııalyq turǵydan bul múmkin, biraq muny anyqtaý úshin arnaıy zertteýler júrgizý qajet. Biz Almaty qalasy men basqa aımaqtarda 150-ge jýyq zertteý júrgizdik, biraq mundaı jaǵdaı tirkegen joq. Bir jasýshadaǵy eki patogen. Teorııalyq turǵydan bul múmkin», - dedi Jandarbek Bekshın.
Buǵan deıin, Belgııada koronavırýstyń eki shtamyn birden juqtyrǵan 90 jastaǵy áıeldiń kóz jumǵany týraly jazǵan bolatynbyz.
Bastapqyda naýqastaǵy otteginiń deńgeıi jaqsy boldy, degenmen jaǵdaıy tez arada nasharlaı tústi. Ol koronavırýs ınfektsııasyna qarsy vaktsına almaǵan.
