Jandarbek Bekshın ekpege nemquraıly qaramaýǵa shaqyrdy
«Qosymsha ımmýndaý aldyn ala ekpe jumystaryn júrgizýdiń tıimdiligin dáleldep berdi. Immýndaýdyń arqasynda qyzylsha dertine shaldyǵý jaǵdaıy eki esege tómendedi. Josparly ekpe jumystaryn umyt qaldyrmaý kerek. Sonymen birge, jaz aılarynda balalardyń demalys ýaqyty bastalady. ıAǵnı, el ishinde - qalalar men oblystarda mıgratsııa bastalady. Munyń artynsha saýyqtyrý lagerlerinde qyzylshanyń, kúrtiktiń beleń alýy ábden múmkin. Osyǵan baılanysty aldyn ala balalardyń ekpe alǵanyn nemese almaǵanyn bilgen abzal», - dedi Jandarbek Bekshın elordadaǵy ınfektsııalyq aýrýlardyń aldyn alý boıynsha respýblıkalyq shtabtyń otyrysynda.
Bas sanıtarlyq dáriger ata-analarǵa ótinishin joldady.
«Balalarda qyzylshaǵa qarsy kúntizbelik ekpe baryn bilgenińiz durys. Ásirese, saýyqtyrý lagerlerinde saq bolǵan jón. Qyzylshadan qorǵanýdyń birden-bir amaly - ekpe ekenin esten shyǵarmaý kerek. Bul suraqtardy árdaıym baqylaýda ustap júrýdi ótinemin», - dedi ol.
Jandarbek Bekshın sondaı-aq menıngokokk menıngıtimen tirkelgen patsıentterdiń baryn eskere otyryp, alǵashqy belgiler anyqtalǵan jaǵdaıda medıtsınalyq mekemege erte barý kerektigin eskertti.