Jandarbek Bekshın «delta» shtamymen tirkelgen alǵashqy naýqastyń jaǵdaıy týraly aıtty
ALMATY. QazAqparat - Almaty qalasy sanıtarııalyq-epıdemıologııalyq baqylaý departamentiniń basshysy Jandarbek Bekshın onlaın brıfıng barysynda «delta» shtamyn juqtyrǵan alǵashqy patsıenttiń jaǵdaıy týraly aıtty, dep habarlaıdy QazAqparat tilshisi.
«Úndi shtamy anyqtalǵan alǵashqy patsıenttiń jaǵdaıy jaqsy. Ana men bala qanaǵattanarlyq jaǵdaıda aýrýhanadan shyǵaryldy. Olar endi úılerinde dárigerlerdiń baqylaýynda bolady. Epıdemıologııalyq tekserý júrgizildi. Almatylyq kelinshek úıine jóndeý jumystaryn júrgizgen jáne qaladaǵy birneshe qurylys dúkenderinde bolǵan. Aýrýdy sol jaqtan juqtyryp aldy degen boljam bar» - dedi Jandarbek Bekshın.
Eske salaıyq, Almatyda úndi shtamy 37 jastaǵy áıelden 22 maýsym kúni anyqtalǵan bolatyn.
