Jandarbek Bekshın: Beıjińnen ushyp kelgen qazaqstandyqtardy tekserý jalǵasady

NUR-SULTAN. QazAqparat – Densaýlyq saqtaý mınıstrliginiń Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary, Qazaqstannyń bas sanıtarlyq dárigeri Jandarbek Bekshın Qytaıdan búgin ushyp kelgen qazaqstandyqtardyń jaǵdaıyn baıan etti, dep habarlaıdy QazAqparat tilshisi.

«Beıjińnen ushyp kelgen Qazaqstan azamattary – Qytaıdyń 36 qalasynda turǵan. Olardyń bári de statsıonarǵa jetkizilip, sonda jatqyzyldy. Úsh kúni boıy zerthanalyq jáne medıtsınalyq tekserýden ótedi. Qazirgi ýaqytta olardyń densaýlyqtary qanaǵattanarlyq deńgeıde. Olardy tekserý jumystary jalǵasady. Báriniń kóńil-kúıi jaman emes. Shaǵymdary joq. Olardan koronavırýs ınfektsııasy boıynsha zerthanalyq analız alynady. Úsh kúnnen keıin tekseris qorytyndysy kúdikti seıiltse, álbette olar aýrýhanadan shyǵarylady», - dedi Jandarbek Bekshın OKQ-da ótken baspasóz máslıhatynan keıin tilshilerdiń suraǵyna bergen jaýabynda.

Eske sala ketsek, Qytaı astanasy Beıjińnen búgin Qazaqstannyń 217 azamaty evakýatsııalanǵan bolatyn.

Sondaı-aq, qazirgi ýaqytta Qazaqstanda koronavırýstyq ınfektsııanyń taralýyna jol bermeý boıynsha barlyq qajetti sharalar qabyldanyp jatyr.

QR Premer-Mınıstri Asqar Mamın búgingi Úkimet otyrysynda osylaı deı kele Qazaqstanda koronavırýsqa shaldyqqandardyń joqtyǵyn málim etken bolatyn.