Jandarbek Bekshın almatylyqtardyń ujymdyq ımmýnıteti týraly aıtty

ALMATY. QazAqparat – Almaty qalasynyń bes myń turǵynyna júrgizgen zertteý koronavırýstyq ınfektsııaǵa qarsy ujymdyq ımmýnıtettiń qalada 55-56% deńgeıinde qalyptasqanyn kórsetti. Bul týraly onlaın brıfıng barysynda Jandarbek Bekshın aıtty, dep habarlaıdy QazAqparat tilshisi.

Zertteýdi sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵy júrgizýde. Jandarbek Bekshınniń aıtýynsha, kezdeısoq irikteý arqyly 5 myń adam tekserildi, onyń nátıjesi boıynsha ujymdyq ımmýnıtet 55-56% deńgeıinde degen qorytyndy jasaldy.

«Alaıda, bul tolyq jáne dál qorytyndy shyǵarý úshin jetkiliksiz. Jumys jalǵasýda», - dedi ol.

Buǵan deıin Jandarbek Bekshın Almatydaǵy epıdemıologııalyq jaǵdaıdyń kúrdeli ekenin aıtqan bolatyn.