Jandarbek Bekshın Almatyda sońǵy qońyraý sharasy qalaı ótetini týraly aıtty
ALMATY. QazAqparat – Almaty qalalyq bas sanıtarlyq dárigeri Jandarbek Bekshın onlaın brıfıng barysynda qalada sońǵy qońyraý qalaı ótetinin aıtty, dep habarlaıdy QazAqparat tilshisi.
Onyń aıtýynsha, búgin qala ákiminiń orynbasarynyń qatysýymen mektep dırektorlarynyń jınalysy ótti.
«Qazirgi ahýaldy eskere otyryp, bul sharany qalaı qaýipsiz ótkizýge bolatyndyǵyn talqyladyq. Mektep bitirý týraly attestattar jalpy mektep boıynsha emes, klass boıynsha ótetin bolady. Áleýmettik qashyqtyq, ata-analardyń áreketi, synyp oqýshylaryn ornalastyrý boıynsha barlyq talaptardy eskerdik. Balalar karantın talabyna saı bir-birimen baılanyspaýy kerek», - dedi Jandarbek Bekshın.
