Jandarbek Bekshın: Almatyda epıdemıologııalyq ahýal jaqsaryp keledi
ALMATY. QazAqparat – Almatyda epıdemıologııalyq ahýal jaqsaryp keledi. Almaty qalasynyń memlekettik bas sanıtar dárigeri Jandarbek Bekshın osylaı málim etti, dep habarlaıdy QazAqparat tilshisi.
«Qazir Almatyda epıdemıologııalyq jaǵdaı jaqsardy. Obektıvti túrde qaraıtyn bolsaq kúndelikti ósý kórsetkishi 1 aıdyń ishinde 4,2 paıyzdan 1,4%-ǵa tómendegen. Vırýs juqtyrýdyń tómendeýine qalada júrgizilip jatqan aldyn alý jumystary septigin tıgizdi. Odan bólek qatań shekteý sharalary engizilgen edi», – deıdi Jandarbek Bekshın.
2020 jyldyń 7 tamyzdaǵy jaǵdaı boıynsha Almaty qalasynda koronavırýs ınfektsııana qatysty 12 997 jaǵdaı tirkeldi, onyń 7 897-si sımptomdy, 5110 sımtomsyz.
