Jańbyrly jaz - baspasózge sholý
***
«Egemen Qazaqstan» gazeti -25 shilde aralyǵynda da el aýmaǵynyń basym bóligi jańbyrly bolatynyn eskertip otyr.
«Respýblıkamyzdyń shyǵys jáne batys bóligin torlaǵan eki tsıklon, atmosferalyq fronttar júıesi arqyly ózara baılanysty. Sondyqtan, demalys kúnderi Qazaqstan oblystarynyń basym bóliginde áli de turaqsyz aýa raıy, jaýyn-shashyn, naızaǵaı, keı jerlerde 15-23 m/s ekpindi jel bolyp, Іle Alataýynda aldaǵy táýlikte nóser júredi. Batys óńirde Reseıdiń eýropalyq aýmaqtarynan yǵysqan tsıklon áserinen ystyqtyń beti qaıtyp, ótken túnde bastalǵan jańbyr, aldaǵy úsh táýlikte de jalǵasady» dep habarlady keshe «Qazgıdromet» RMK.
Al keshe túnimen jaýǵan jańbyr Astana kóshelerin kól-kósir ózenge aınaldyryp, tańerteń jumysqa asyqqan jurtty ábden ábigerge saldy,dep jazady basylym. Bireýleri belýardan sý keship, kólikteriniń joǵalǵan memlekettik tirkeý nómirlerin izdese, endi biri topan ortasyna toqtap qalǵan kóligin súırep sarsańǵa tústi.
«Tabıǵattyń osynaý tosyn minezine aýyldaǵy sharýa qýanyp otyr. Óıtkeni, bıyl egin bitik, shóp shúıgin shyqqan. Endi jınap alar kezde jańbyr taǵy tolastamaı, kedergi jasamasa bolǵany...»6 deıdi basylym. Bul týraly tolyǵyraq «Jańbyrly jaz» maqalasynan oqı alasyzdar.
***
«Ekspres K» basylymynyń habarlaýynsha, Soltústik Qazaqstan oblysynda brýtsellez aýrýyna shaldyqqan sıyrlaryn tapsyrmaǵan turǵyn endi memleket paıdasy úshin bir jarym mıllıon teńge aıyppul tóleýi kerek eken. Biraq, qarapaıym sharýa búkil múligin satsa da, bul aqshany jınaı almaıtyn kórinedi. «Ústime benzın quıyp, ózimdi órteýden basqa amal joq»,-deıdi telefon arqyly «Ekspress K» gazetiniń tilshilerimen sóılesken Nıkolaı Chernyshev. Oqıǵanyń mán jaıyn tolyǵyraq basylymnyń búgingi sanynan oqı alasyzdar.
***
Bıyl shilde aıynyń basynda Pavlodar-Óskemen avtomagıstrali tóselip jatqan jerdiń mańynda Baıdala aýylynda, bir jarym metr tereńdikte orta ǵasyrdan qalǵan dóńgelek tabylǵan. Bul artefakt Qazaqstanda alǵash ret tabylyp otyr, sondyqtan da eldiń búkil ǵylymı ortasynyń qyzyǵýshylyǵyn arttyryp otyr. Bul týraly «Kazahstanskaıa pravda» gazeti jazyp otyr.
Ǵalymdardyń aıtýynsha, bul kóne jádiger qazirgi Pavlodar oblysynyń aýmaǵyn meken etken Qımaq qaǵanatynyń astanasy osy aýmaqta bolǵanyn jáne olardyń tehnıkalyq deńgeıi joǵary bolǵanyn dáleldeıdi. Bul jádiger H-HІІ ǵasyrlardaǵy Qımaq qaǵanatynyń órkendegen kezinen qalǵan jádiger ekeni aıtylyp otyr. Ǵalym Tımýr Smaǵulovtyń habarlaýynsha, ǵadymdar jádiger tabylǵan oryndy qazbaı, jańa tehnologııanyń arqasynda ony topyraǵymen birge Pavlodar qalasyna jetkizgen. Tolyǵyraq «Kazahstanskaıa pravda» gazetiniń búgingi sanynan oqı alasyzdar.
