Jańbyrly Ulybrıtanııanyń sý qory azaıǵan - VVS
ASTANA. QazAqparat - Jańbyrly aýa raıyna qaramastan, Ulybrıtanııada sý qory azaıǵan. Bul kórshi memleketterge de keri áserin tıgizip jatyr. VVS basylymynyń jazýynsha, sý qory tapshy memleketter týraly aıtqan kezde eshkim bul tizimde Ulybrıtanııa bolady dep oılamasa kerek.
«Ulybrıtanııada qys qarly jáne ylǵaldy. Basqa mezgilderde de jańbyr aptalap jaýady. Ulybrıtanııada jaýyn shashynnyń ortasha mólsheri 1 200 mm teń. Soǵan qaramastan memlekette sý qory azaıyp jatyr», dep jazady basylym.
Avtordyń aıtýynsha, byltyr Anglııada alty aı boıy jaýyn shashyn ádettegiden tómen bolǵan. Al 2017 jyly Ulybrıtanııada sońǵy júz jyldaǵy eń qurǵaq jaz boldy.
«Anglııa ózenderiniń tek 17% ekologııalyq «densaýlyǵy» jaqsy. Al jerasty sýlar men sý qoımalarynda sý mólsheri azaıyp ketken», dep jazady avtor.
