Jańbyrlatyp sýaratyn mashınalar qurastyratyn zaýyttar salynady – AShM

ASTANA. QazAqparat – Qazaqstan aýmaǵynda jańbyrlatyp sýaratyn qurylǵylar shyǵaratyn zaýyttar salynady. Bul týraly Senattyń jalpy otyrysynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Óz qarajaty esebinen Qazaqstanda jobalardy iske asyrý múmkindigi bar ınvestorlardy tartý boıynsha jumystar jalǵasyp jatyr. Máselen, ızraıldik «METZERPLAS» (Almaty qalasynda) kompanııasy osy kúzde tamshylatyp sýarýǵa arnalǵan qubyrlar shyǵaratyn zaýytty iske qosýdy josparlap otyr. Budan bólek, meniń Qytaıǵa jumys saparym aıasynda qytaılyq VODAR kompanııasymen ózara túsinistik týraly memorandýmǵa, sondaı-aq jańbyrlatyp sýarý mashınalary óndirisi jónindegi jol kartasyna qol qoıyldy. ıAǵnı, 2023 jyldyń sońyna deıin osy mashınalardy jınaý jáne qurastyrý tsehyn qurý josparlanýda», - dedi E. Qarashókeev.

Onyń aıtýynsha, AFKO (Atyraý oblysynda) túrik kompanııasy bıyl jańbyrlatyp sýarý mashınalar shyǵaratyn zaýyt ashýdy josparlap otyr.

Budan buryn habarlanǵandaı, bıyl 1,5 mln gektar sýarmaly jer ıgeriledi.

Maqta egiletin alqaptardy 14,8 myń gektarǵa azaıtý josparlanyp otyr.