Jańbyr, jel jáne burshaq: 14 tamyzǵa arnalǵan aýa raıy boljamy
NUR-SULTAN. QazAqparat - 14 tamyzda soltústik shyǵystan soqqan tsıklon jáne onymen baılanysty aýa aǵyndary bólikteriniń áserinen Qazaqstan terrıtorııasynyń basym bóliginde aýa raıy qubylmaly bolady, dep habarlaıdy QazAqparat Qazgıdrometke silteme jasap.
Jumada keı jerlerde jańbyr jaýady, shyǵysta kún kúrkirep, naızaǵaı oınaıdy, daýyl, burshaq jaýýy yqtımal. Tek eldiń ońtústiginde kún ashyq bolady. Respýblıkanyń keı jerlerinde jel kúsheıedi, soltústiginde jáne ortalyǵynda tuman túsedi.
Qaraǵandy, Shyǵys Qazaqstan oblystarynyń keı jerlerinde daýyl kútiledi, jel 15-20 m/s kúsheıedi, burshaq jaýýy yqtımal, Qaraǵandy oblysynda tuman túsedi.
Batys Qazaqstan, Atyraý, kúndiz Aqtóbe, Qostanaı, túnde jáne tańerteń Almaty oblystarynyń keı jerlerińde 15-20 m/s jel kúsheıedi, Batys Qazaqstan oblysynyń soltústiginde keı jerlerinde burshaq jaýýy múmkin.
