Jańbyr, jel, tuman – juma kúngi aýa raıy
NUR-SULTAN. QazAqparat – 30 sáýirde Qazaqstannyń basym bóliginde atmosferalyq frontaldy bólikterdiń ótýine baılanysty aýa raıy qubylmaly bolady, dep habarlaıdy QazAqparat Qazgıdrometke silteme jasap.
Juma kúni elimizdiń keı jerlerinde naızaǵaı oınap, jańbyr jaýady, tek elimizdiń batys jartysynda antıtsıklon jotasynyń áserinen kún raıy ashyq bolady. Keı jerlerde jel kúsheıedi, ońtústikte shańdy daýyl soǵady, ońtústik-shyǵysta burshaq jaýyp, soltústikte tuman túsýi yqtımal.
Túrkistan oblysynda tańerteń jáne kúndiz keı jerlerde shańdy daýyl soǵýy múmkin, keı jerlerde jel kúsheıedi, jyldamdyǵy 15-20 m/s, ekpini 25 m/s jetedi.
Soltústik Qazaqstan oblysynda túnde jáne tańerteń keı jerlerde tuman túsýi múmkin, jel kúsheıedi, kúndiz jyldamdyǵy 15-20 m/s, ekpini 23 m/s jetedi.
Qyzylorda, Qostanaı, Qaraǵandy, Shyǵys Qazaqstan oblystarynda, kúndiz Almaty, Jambyl oblystarynyń keı jerlerinde jel 15-20 m/s kúsheıedi, Jambyl oblysynda kúndiz burshaq jaýýy yqtımal.
Pavlodar oblysynyń keı jerlerinde túnde tuman túsedi.
