Jańbyr, jel, tuman – senbige arnalǵan aýa raıy
NUR-SULTAN. QazAqparat – Senbi elimizdiń basym bóliginde jańbyr jaýyp, jel kúsheıedi, tuman túsýi yqtımal, dep habarlaıdy QazAqparat Qazgıdrometke silteme jasap.
Qazaqstan aýmaǵynyń basym bóliginde qubylmaly aýa raıy saqtalady, atmosferalyq aǵyndardyń ótýine baılanysty jańbyr jaýyp, naızaǵaı jarqyldaıdy, tek elimizdiń ońtústigi men ońtústik-shyǵysynda kún raıy ashyq bolady. Respýblıkanyń keı jerlerinde jel kúsheıedi, daýyl soǵýy múmkin, soltústik-batysta, soltústikte tuman túsedi, burshaq jaýýy yqtımal.
Qostanaı oblysynyń keı jerlerinde tuman túsip, daýyl soǵady, jeldiń jyldamdyǵy 15-20 m/s jetedi, burshaq jaýýy yqtımal.
Aqmola, Soltústik Qazaqstan oblystarynyn keı jerlerinde tuman túsýi múmkin. Kúndiz Aqmola oblysynyń keı jerlerinde jel 15-20 m/s jetedi.
Mańǵystaý oblysynyń keı jerlerinde daýyl soǵady, jel 15-20 m/s kúsheıedi.
Kúndiz Qyzylorda, Batys Qazaqstan oblystarynda jel 15-20 m/s kúsheıedi, kúndiz Batys Qazaqstan oblysynda burshaq jaýýy yqtımal. Qaraǵandy, Shyǵys Qazaqstan oblystarynyń keı jerlerinde jel 20 m/s kúsheıedi, Qaraǵandy oblysynda ekpini 23 m/s jetedi.
Qyzylorda, Túrkistan, Jambyl oblystarynyń, Almaty, Atyraý oblystarynyń keı jerlerinde, Batys Qazaqstan ońtústiginde, Qaraǵandy oblysynyń ońtústik-batysynda tótenshe órt qaýpi saqtalady.
