Jańbyr, jel, tuman - Sársenbige aýa raıy boljamy
ASTANA. QazAqparat - 29 tamyzda atmosferalyq aǵyndardyń ótýine baılanysty Qazaqstannyń basym bóliginde kún kúrkirep, jańbyr jaýady, jáne ekpindi jel turady, ortalyqta jáne shyǵysta burshaq jaýýy múmkin, ońtústikte shańdy daýyl kútiledi, dep habarlaıdy QazAqparat Qazgıdrometke silteme jasap.
Elimizdiń soltústigi, ortalyǵy jáne shyǵysynyń keı jerlerinde tuman kútiledi. Tek respýblıkanyń batysynda kún raıy ashyq.
Aqmola, Soltústik Qazaqstan, Qaraǵandy oblystarynyń keı jerlerinde túnde jáne tańerteń tuman túsýi yqtımal.
Qostanaı, Pavlodar oblystarynyń keı jerlerinde jel 15-20 m/s kúsheıedi, túnde jáne tańerteń tuman kútiledi.
Shyǵys Qazaqstan oblysynyń keı jerlerinde túnde jáne tańerteń tuman kútiledi, kúndiz jel 15-20 m/s kúsheıedi, burshaq jaýýy múmkin.
Almaty, Qyzylorda oblystarynyń keı jerlerinde jel 15-22 m/s kúsheıip, shańdy daýyl turady.
Túrkistan oblysynda, kúndiz Jambyl oblysynyń keı jerlerinde jel 15-20 m/s kúsheıedi.
Qyzylorda, Túrkistan, Jambyl oblystarynda, Aqtóbe, Atyraý, Mańǵystaý, Qaraǵandy oblystarynyń keı jerlerinde joǵary órt qaýpi saqtalady.
