Jańbyr, jel, tuman - 31 tamyzdaǵy aýa raıy boljamy
ASTANA. QazAqparat - Atmosferalyq aǵyndardyń ótýine baılanysty respýblıkanyń soltústik, ortalyq jáne shyǵysynda jańbyr jaýyp, jel turady, burshaq jaýýy múmkin, dep habarlaıdy Qazgıdomet.
Qazaqstannyń basym bóliginde ádettegideı jyly, jaýyn-shashynsyz.
Soltústik Qazaqstan oblysynda jel turyp, keı jerlerde ekpini 25 m/s kúsheıedi, túnde jáne tańerteń keı jerlerde tuman túsedi.
Aqmola, Shyǵys Qazaqstan oblystarynyń keı jerlerinde naızaǵaı oınaıdy, jeldiń jyldamdyǵy 15-20 m/s, burshaq túsýi múmkin, túnde jáne tańerteń keı jerlerde tuman kútiledi.
Pavlodar, Qaraǵandy oblystarynyń keı jerlerinde naızaǵaı, túnde jáne tańerteń keı jerlerde tuman, kúndiz jeldiń kúshi 15-20 m/s jetýi yqtımal.
Qostanaı, túnde Almaty oblystarynyń keı jerlerinde naızaǵaı, Qostanaı oblysynda jeldiń kúshi 15-20 m/s. Túrkistan, tańerteń jáne kúndiz Qyzylorda oblystarynda keı jerlerde jel 15-23 m/s kúsheıip, shańdy daýylǵa ulasady.
Jambyl oblysynda keı jerlerinde jel 15-20 m/s kúsheıýi kútiledi.
Qyzylorda, Túrkistan, Jambyl oblystarynda, Aqtóbe, Atyraý, Mańǵystaý, Qaraǵandy oblystarynyń keı jerlerinde joǵary órt qaýpi saqtalady.
