Jańbyr, jel – beısenbige arnalǵan aýa raıy
NUR-SULTAN. QazAqparat - 20 tamyzda, beısenbi kúni Qazaqstannyń basym bóliginde qubylmaly aýa raıy saqtalady, dep habarlaıdy QazAqparat Qazgıdrometke silteme jasap.
Atmosferalyq aǵyndardyń ótýine baılanysty kún kúrkirep, jańbyr jaýady. Tek elimizdiń ońtústigi men batysynda kún raıy ashyq. Keı jerlerde jel kúsheıedi, daýyl soǵady, burshaq jaýýy yqtımal, soltústikte jáne shyǵysta tuman túsýi múmkin.
Soltústik Qazaqstan oblysynyn keı jerlerinde tuman túsip, daýyl soǵady, burshaq jaýýy yqtımal. Jel kúsheıip, túnde keı jerlerde 15-20 m/s, kúndiz 15-20, ekpini 25 m/s jetedi.
Qaraǵandy, Aqmola oblystarynyń keı jerlerinde daýyl soǵady, burshaq jaýýy yqtımal. Jel kúsheıip, kúndiz ekpini 23-28 m/s jetedi.
Pavlodar oblysynyń keı jerlerinde daýyl soǵady, burshaq jaýýy yqtımal. Túnde keı jerlerde, kúndiz óńirdiń basym bóliginde 15-20 m/s jel soǵady. Shyǵys Qazaqstan oblysynda túnde keı jerlerinde tuman túsedi, kúndiz keı jerlerinde jel 15-20 m/s kúsheıedi.
Qyzylorda, Túrkistan oblystary, Jambyl oblysynyń basym bóliginde, Almaty, Atyraý oblystarynyń keı jerlerinde, Qaraǵandy oblysynyń ońtústik-batysynda tótenshe órt qaýpi saqtalady.
