Jańbyr jaýyp turǵanda asfalt tósegender jumysyn toqtatty
Qar, jańbyr jaýyp turǵanda tasjol tóseýge bolmaıdy. Aqtóbe oblystyq jolaýshylar kóligi jáne avtomobıl joldary basqarmasy Aqtóbe-Orsk trassasyn salyp jatqan merdiger kompanııadan jumysty toqtatýyn talap etti. Sebebi, 0-8 shaqyrymdyq joldy salýǵa respýblıkalyq bıýdjetten 3 mıllıard 80 mıllıon teńge bólindi. Úsh jylǵa josparlanǵan jumys keler jyly aıaqtalýy tıis. Qarasha aıyndaǵy qar aralas jańbyrǵa qaramastan tasjol tósegenderdiń jumysy baqylaýǵa alyndy.
«Aqtóbe-Orsk tasjolynyń qurylysy úshin bıyl 900 mıllıon teńge bólindi. Osy aptada tasjol tóseý jumysy aıaqtalýy tıis. Bıyl barlyǵy 6,5 shaqyrym joldyń qurylysy aıaqtalýǵa jaqyn. Eki shaqyrymy qalǵan kezde jańbyr jaýyp ketti. Tehnıkalyq qadaǵalaýshylar tekserip, jumysty toqtatty. Negizi jańbyrdan buryn tóselgen asfalt tegisteldi, al júk kólikteri tasamaldaǵan tasjol qospasy keri qaıtaryldy. Kún aıaz bolyp, jer qatsa, asfalt tóseýge bolmaıdy. Sý ústine tóselse bıtým aralasqan qıyrshyq tas shashylyp qalady»,- dedi Aqtóbe oblystyq jolaýshylar kóligi jáne avtomobıl joldary basqarmasy basshysynyń orynbasary Nurken Aspenov.
Aıta keteıik, bıyl Aqtóbede jol jóndeý jumystaryna 7,8 mıllıard teńge bólindi. Eń irisi - Aqtóbe-Orsk tasjoly, Aqtóbe qalasynyń ońtústik aınalma joly men Aqtóbe ferroqorytpa zaýyty mańynan jol ótkelin salý qurylysy. Úsh jobaǵa 2 mıllıard teńgeden astam qarjy qarastyryldy.
Kladýt asfalt v dojd. Trassa na Nýrsıtı #zello_aktobe