Jańbyr, tuman, jel: Seısenbige arnalǵan aýa raıy boljamy
NUR-SULTAN. QazAqparat - Sınoptıkter 14 sáýirde aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Atmosferalyq fronttardyń ótýine baılanysty respýblıkanyń basym bóliginde jańbyr jaýady. Ońtústikte keı jerlerde qatty jańbyr, soltústikte, ortalyqta jańbyr jáne qar jaýýy múmkin. Tek respýblıkanyń batysynda, ońtústik-batysynda aýa raıy jaýyn-shashynsyz, kún ashyq bolady. Keı jerlerde tuman túsedi, jel kúsheıedi.
Soltústik Qazaqstan oblysynyń keı jerlerinde tuman túsedi. Kúndiz kún kúrkireıdi, túnde keı jerlerde jel ekpini 15-20 m/s jetedi. Kúndiz aımaqtyń basym bóliginde 15-20 m/s, 25 m/s jyldamdyqpen jel soǵady.
Almaty, Túrkistan, Qaraǵandy, oblystarynyń keı jerlerinde tuman túsedi, jel qarqyny - 15-20 m/s. Almaty oblysynda naızaǵaı jarqyldaıdy.
Batys Qazaqstan, Qostanaı oblystarynyń keı jerlerinde tuman kútiledi, kúndiz jeldiń kúshi15-20 m/s bolady.
Aqtóbe, túnde Manǵystaý, kúndiz Pavlodar oblystarynyń keı jerlerinde jel ekpini 15-20 m/s deıin kúsheıedi.
Túnde Qyzylorda oblysynyń keı jerlerinde tuman túsip, kún kúrkireıdi. Kúndiz keı jerlerde jel qarqyny - 15-20 m/s.
Shyǵys Qazaqstan oblysynyń keı jerlerinde jel 15-20 m/s kúsheıedi, túnde jáne tańerteń tuman kútiledi.
Aqmola oblysynyń keı jerlerinde jel ekpini 15-20 m/s jetedi.
Jambyl oblysynyń keı jerlerinde tuman túsip, naızaǵaı jarqyldaıdy.
Túnde Atyraý oblysynyń shyǵysynda jel 18 m/s deıin kúsheıedi.
