Jańbyr, tuman, kóktaıǵaq: 30 qazan kúngi aýa raıy boljamy
NUR-SULTAN. QazAqparat – 30 qazan kúni Qazaqstannyń basym bóliginde atmosferalyq frontaldy bólikterdiń ótýine baılanysty qubylmaly kún raıy kútiledi. Jekelegen óńirlerde jańbyr jaýady, ońtústiktegi taýly aýdandarda nóserli jańbyr boljanady. Keı jerlerde jel kúsheıip, tuman túsedi, soltústikte kóktaıǵaq bolady, dep habarlaıdy QazAqparat.
«Qazgıdromet» RMK málimetine sáıkes, Soltústik Qazaqstan, Qostanaı oblystarynyń keı jerlerinde tuman, kóktaıǵaq kútiledi. Qostanaı oblysynda jel 15-20 m/s kúsheıedi.
Jambyl, Shyǵys Qazaqstan, kúndiz Túrkistan oblystarynyń keı jerlerinde jel 15-20 m/s artady.
Almaty oblysynyń Jalańashkól aýdanynda jeldiń kúshi 15-20 m/s jetedi.
Aqmola, Pavlodar, túnde jáne tańerteń Mańǵystaý, Atyraý, Qaraǵandy oblystarynyń keı jerlerinde tuman kútiledi.
