Jańbyr saldarynan Shymkent kóshelerin sý basty
ShYMKENT. QazAqparat – Jańbyr saldarynan Shymkent kóshelerin sý basyp jatyr, dep habarlaıdy QazAqparat tilshisi.
Túnnen beri jaýǵan jańbyr saldarynan Shymkent kóshelerin sý basyp jatyr. Qalalyq tótenshe jaǵdaı qyzmetiniń málimetinshe, biryńǵaı kezekshilik-dıspetcherlik ortalyǵyna qala turǵyndarynan 7 mekenjaı boıynsha 70 habarlama túsken. Jańbyrdyń sýynan Abaı jáne Ál-Farabı aýdandaryndaǵy kósheler sýǵa tolǵan.
Túngi saǵat 00.45-ten avarııalyq-qutqarý jumystary júrgizilip, qazirgi tańda 200 tekshe metr sý shyǵaryldy. Oqıǵa ornynda Shymkent qalasy Tótenshe jaǵdaı departamentiniń órt sóndirý jáne avarııalyq-qutqarý jumystary qyzmetiniń jeke quramynan 23 adam, 7 tehnıka, 7 motopompa jumys istep jatyr.
«Qazgıdromettiń málimetinshe, Shymkentte 26 qazanda qatty jańbyr jaýyp, jel turatyny týraly eskertildi. Jalpy sý basý saldaryn joıýǵa Tótenshe jaǵdaı departamentiniń 167 mamany, 17 tehnıkasy, 4 qaıyq, 39 motopompa daıyndyqqa keltirildi» - delingen Shymkent qalasy TJD qoǵammen baılanys toby taratqan aqparatta.
