Jańbyr, kóktaıǵaq: Aldaǵy úsh kúngi aýa raıy boljamy
NUR-SULTAN. QazAqparat - «Qazgıdromet» RMK 2-4 aqpan aralyǵyndaǵy aýa raıy boljamyn usyndy, dep habarlaıdy QazAqparat.
«Atlantıkalyq tsıklon jyrasy Qazaqstan aýmaǵynda batystan shyǵysqa qaraı yǵysyp, ózimen birge jańbyr men qar túrinde jaýyn-shashyn alyp keledi. Sondaı-aq kóktaıǵaq, jaıaý burqasyn, jeldiń kúsheıýi, soltústik bólikte aýa temperatýrasynyń kóterilýi kútiledi.
Ońtústik óńirler bıik jotanyń áserinde bolady, soǵan oraı jaýyn-shashynsyz, ashyq kún raıy boljanady», - delingen aqparatta.
