Jańbyr, qar, jaıaý burqasyn: 4 qarasha kúngi aýa raıy boljamy
NUR-SULTAN. QazAqparat - Ońtústik Kaspıı tsıklonnyń jáne onymen baılanysty atmosferalyq frontaldy bólikterdiń yqpalymen 4 qarasha kúni Qazaqstannyń basym bóliginde jaýyn-shashyn bolady. Respýblıkanyń ońtústiginde jańbyrdyń sońy qarǵa ulasady. Jekelegen óńirlerde ekpindi jel, tuman, kóktaıǵaq, soltústik-batysta, soltústikte, ortalyqta jáne soltústik-shyǵysta jaıaý burqasyn boljanady, dep habarlaıdy QazAqparat.
«Qazgıdromet» RMK málimetinshe, Aqmola, Qostanaı, Pavlodar, Qaraǵandy oblystarynyń keı jerlerinde kóktaıǵaq, jaıaý burqasyn bolady, jel 15-23 m/s kúsheıedi. Qostanaı, Pavlodar, Qaraǵandy oblystarynda tuman kútiledi. Qyzylorda oblysynyń keı jerlerinde tuman, kóktaıǵaq, 25 m/s ekpindegi jel boljanady.
Jambyl, Aqtóbe, kúndiz jáne tańerteń Almaty oblystarynyń keı jerlerin tuman basyp, jel 15-22 m/s artady.
Mańǵystaý, Atyraý, Batys Qazaqstan, túnde jáne tańerteń Soltústik Qazaqstan oblystarynyń keı jerlerinde tuman kútiledi.
