Jańbyr, qar, tuman, jel - dúısenbige arnalǵan aýa raıy
NUR-SULTAN. QazAqparat – Dúısendi elimizde aýa raıy qubylmaly bolady, dep habarlaıdy QazAqparat Qazgıdrometke silteme jasap.
«30 qyrkúıekte Qazaqstannyń shyǵys, ońtústik jáne ońtústik-shyǵys aımaqtary arqyly atmosferalyq aǵyndar ótedi, osyǵan baılanysty qubylmaly aýa raıy saqtalady, keı jerlerde jaýyn-shashyn (jańbyr, qar), ońtústik-shyǵysta túnde jáne tańerteń keı jerlerde qatty nóser jaýady, qalǵan óńirlerde kún raıy ashyq bolýy yqtımal. Keı jerlerde naızaǵaı oınap, tuman túsedi, jel 15-22 m/s kúsheıedi, shyǵysta keı jerlerde – kóktaıǵaq bolady», delingen boljamda.
Túrkistan oblysynyń keı jerlerinde - tuman, jel 15-20 m/s kúsheıedi, túnde jáne tańerteń keı jerlerde naızaǵaı jarqyldaıdy.
Shyǵys Qazaqstan oblysynyń keı jerlerinde jel 15-20 m/s kúsheıedi, túnde jáne tańerteń keı jerlerde tuman, kóktaıǵaq kútiledi.
Almaty jáne Jambyl oblystarynyń keı jerlerinde naızaǵaı kútiledi, Almaty oblysynyń keı jerlerinde naızaǵaı kezinde jel 17-22 m/s kúsheıedi, Jambyl oblysynyń keı jerlerinde tuman túsedi.
Aqmola, Batys Qazaqstan, Qostanaı, Soltústik Qazaqstan, túnde jáne tańerteń Qaraǵandy oblystarnyń keı jerlerinde tuman kútiledi. Pavlodar oblysynyń keı jerlerinde jel 15-20 m/s kúsheıedi.
Qyzylorda oblysynyń keı jerlerinde túnde 1-3 gradýs úsik júredi.
Túrkistan oblysynda, Qyzylorda oblysynyń shyǵys bóliginde, Jambyl oblysynyń batys bóliginde, Qaraǵandy oblysynyń ońtústik-shyǵys bóliginde, Batys Qazaqstan oblysynda, Shyǵys Qazaqstan oblysynyń soltústik bóliginde óte joǵary órt qaýipi saqtalady.
