Jańbyr, qar, tuman: Sınoptıkter birqatar óńirde eskertý jarııalady
Aqmola oblysynyń soltústiginde, batysy men ońtústiginde tuman, kóktaıǵaq kútiledi. Ońtústik-shyǵystan, ońtústikten jel soǵady, kúndiz óńirdiń soltústigi men batysynda ekpini 15-20 m/s quraıdy.
Qyzylorda oblysynyń soltústigi men ortalyǵynda tuman bolady.
Atyraý oblysynyń ońtústigi men shyǵysynda shańdy daýyl kútiledi. Soltústikten, soltústik-shyǵystan jel soǵady, oblystyń shyǵysynda, ońtústigi men soltústiginde ekpini 15-20 m/s quraıdy.
Kúndiz Aqtóbe oblysynyń basym bóliginde jaýyn (jańbyr, qar) jaýady. Oblystyń soltústiginde kóktaıǵaq boljanady. Jeldiń baǵyty ońtústik-shyǵystan soltústik-batysqa aýysady, kúndiz oblystyń batysy men ońtústiginde ekpini 15-20 m/s quraıdy. Óńirdiń ońtústiginde 10-15 gradýs jyly bolady.
Túrkistan oblysynyń soltústiginde, taýly aýdandarynda tuman kútiledi.
Túnde jáne tańerteń Batys Qazaqstan oblysynyń soltústigi men shyǵysynda tuman, kóktaıǵaq bolady. Jel soltústik-batystan, soltústikten soǵady, kúndiz oblystyń ońtústik-shyǵysynda ekpini 15-20 m/s quraıdy.
Túnde Mańǵystaý oblysynyń batysy men ortalyǵynda tuman bolady.
Kúndiz oblystyń soltústigi men shyǵysynda shańdy daýyl turady. Soltústikten, soltústik-shyǵystan jel soǵady, óńirdiń soltústigi men shyǵysynda kúshi 15-20 m/s quraıdy.
Kúndiz Soltústik Qazaqstan oblysynyń soltústiginde, batysy men ońtústiginde jaýyn jaýyp (jańbyr, qar), kóktaıǵaq, jaıaý burqasyn kútiledi. Túnde jáne tańerteń tuman boljanady. Ońtústikten, ońtústik-batystan jel soǵady, oblystyń soltústiginde, batysy men ońtústiginde ekpini 15-20 m/s quraıdy. Aýa temperatýrasy kúndiz 0-5 gradýs jyly bolady. 15 naýryzda oblystyń basym bóliginde jaýyn-shashyn (jańbyr, qar) kútiledi. Jeldiń jyldamdyǵy 23-28 m/s kúsheıedi.
Sondaı-aq Jambyl, Jetisý Almaty oblys tar y men Almaty q alasy mańyndaǵy taýly aımaqtarda qatty jańbyr jaýyp, taý betkeılerinen tasqyn sý aǵady, ózen-kólderde sý deńgeıi kóteriledi.
Shyǵys Qazaqstan, Atyraý, Aqtóbe jáne Batys Qazaqstan, Abaı (Borodýlha, Besqaraǵaı, Aıagóz jáne Aqsýat aýdandary), Ulytaý jáne Qaraǵandy oblystarynda qar aralas jańbyr jaýyp, kún kurt jylynady. Soǵan baılanysty qar qarqyndy erip, taý betkeılerinen tasqyn sý aǵady, ózen-kólderde muz álsirep, sý deńgeıi kóteriledi. Bul rette sý arnasynan tasyp, jaıylýy múmkin.
