Jańbyr, qar, ekpindi jel: 6 naýryz kúngi aýa raıy boljamy
NUR-SULTAN. QazAqparat – 6 naýryz kúni Qazaqstannyń basym bóliginde atmosferalyq frontaldy bólikterdiń ótýine baılanysty qubylmaly kún raıy saqtalady – jańbyr men qar túrinde jaýyn-shashyn kútiledi. Tek ońtústik-shyǵys aımaqtarda aýa raıy jaýyn-shashynsyz bolady. Keı jerlerde tuman, kóktaıǵaq, burqasyn boljanady. 15-20 m/s ekpinde jel turady, soltústik aımaqtarda kúshi 23-28 m/s kúsheıýi yqtımal. Kúndiz respýblıkanyń ońtústik aımaqtarynda naızaǵaı kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola, Qostanaı oblystarynyń keı jerlerinde burqasyn, tuman, kóktaıǵaq bolady. Túnde basym aýmaqta, kúndiz keı jerlerde 15-20 m/s jel turady, ekpini 23-28 m/s artady.
Soltústik Qazaqstan oblysynda burqasyn, tuman, kóktaıǵaq boljanady. Jeldiń kúshi 15-20 m/s bolady, túnde keı jerlerde ekpini 23-28 m/s kúsheıedi.
Pavlodar oblysynda keı jerlerde jaıaý burqasyn, kúndiz kóktaıǵaq bolady. Jeldiń jyldamdyǵy 23-28 m/s jetýi yqtımal.
Batys Qazaqstan oblysynda keı jerlerde tuman, burqasyn, kóktaıǵaq kútiledi. Jeldiń kúshi 15-20 m/s artady.
Aqtóbe oblysynda keı jerlerde kóktaıǵaq, jaıaý burqasyn boljanady. Tnde keı jerlerde jeldiń kúshi 15-20 m/s jetedi.
Shyǵys Qazaqstan oblysynda tuman, túnde keı jerlerde jaıaý burqasyn, 15-20 m/s ekpinde jel kútiledi.
Qyzylorda, Mańǵystaý, Jambyl, Qaraǵandy oblystarynyń keı jerlerinde tuman, Qaraǵandy, kúndiz Jambyl oblystarynda 15-20 m/s ekpinde jel bolady.
Túrkistan oblysynda túnde keı jerlerde tuman, kúndiz keı jerlerde naızaǵaı boljanady. Jeldiń kúshi – 15-20 m/s.
Almaty oblysynda túnde jáne tańerteń keı jerlerde tuman bolady, Jalańashkól aýmaǵynda jeldiń kúshi 18-23 m/s artady.
Atyraý oblysynda keı jerlerde jeldiń kúshi 15-20 m/s jetedi.
