Jańbyr, ekpindi jel: 25 sáýir kúngi aýa raıy boljamy
NUR-SULTAN. QazAqparat - Atmosferalyq fronttardyń ótýine baılanysty 25 sáýir kúni Qazaqstannyń basym aýmaǵynda jańbyr jaýady. Ońtústik jáne ońtústik-shyǵys óńirlerde qatty jańbyr kútiledi. Respýblıkanyń batysynda ǵana ashyq kún raıy boljanady. Jekelegen aımaqtarda tuman men ekpindi jel saqtalady, naızaǵaı oınap, burshaq jaýýy múmkin, dep habarlaıdy QazAqparat.
«Qazgıdromet» RMK málimetinshe, Aqmola, Qaraǵandy, Soltústik Qazaqstan, Qostanaı oblystarynda túnde keı jerlerde, kúndiz basym bóliginde jeldiń ekpini 25 m/s kúsheıetini kútiledi, jekelegen aýmaqtarda burshaq jaýýy yqtımal. Soltústik Qazaqstan men Qostanaı oblystarynda tuman boljanady.
Pavlodar oblysynyń túnde keı jerlerinde, kúndiz basym bóliginde jeldiń jyldamdyǵy 25 m/s artýy múmkin.
Jambyl oblysynyń keı jerlerinde tuman, bursha kútiledi. Jeldiń kúshi 23-28 m/s jetýi yqtımal.
Almaty oblysynyń keı jerlerinde jel 15-20 m/s kúsheıýi kútiledi, burshaq jaýýy múmkin.
Shyǵys Qazaqstan, Túrkistan, kúndiz Qyzylorda oblystarynyń keı jerlerinde jeldiń ekpini 15-20 m/s jetýi múmkin.
Mańǵystaý oblysynda túnde jáne tańerteń tuman boljanady.
