Jańbyr, burshaq, jel - jeksenbige arnalǵan aýa raıy
NUR-SULTAN. QazAqparat - «Qazgıdromet» RMK 24 naýryzǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym aýmaǵynda atmosferalyq aǵymdardyń ótýine baılanysty jaýyn-shashyn jaýady, respýblıkanyń ońtústiginde túnde jáne tańerteń taýly aýdandarynda qatty jańbyr jaýady.
Tek ońtústik-batysy, soltústigi men soltústik-batysynda aýa raıy jaýyn-shashynsyz bolady. Keı jerlerinde tuman, kóktaıǵaq kútiledi, respýblıkanyń ońtústiginde, ońtústik-shyǵysynda jáne shyǵysynda keı jerlerde jel kúsheıedi. Qyzylorda oblysynyń keı jerlerinde tuman, naızaǵaı, kúndiz burshaq jaýýy múmkin.
Túrkistan oblysynda túnde jáne tańerteń keı jerlerde naızaǵaı, burshaq jaýýy múmkin, jel 15-20 m/s kúsheıedi. Jambyl oblysynda keı jerlerde tuman, jel 15-20 m/s kúsheıedi.
Shyǵys Qazaqstan oblysynda kúndiz jel 15-20 m/s kúsheıedi. Almaty oblysynda Jalańashkól aýdanynda jeldiń jyldamdyǵy 15-20 m/s jetedi.
Aqmola, Mańǵystaý, Batys Qazaqstan, Qostanaı, Soltústik Qazaqstan, Pavlodar, Qaraǵandy, túnde jáne tańerteń Atyraý oblystarynda keı jerlerde tuman, Batys Qazaqstan, Pavlodar, Qaraǵandy oblystarynda kóktaıǵaq bolady.
