Jańbyr, burshaq, kúshti jel - Qazgıdromet 29 tamyzdaǵy kún raıyna boljamyn jarııalady

ASTANA. QazAqparat - Qazgıdromet Qazaqstan aımaqtarynda 2023 jylǵy 29 tamyzda bolatyn qaýipti meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

QR basym bóliginde atmosferalyq frontaldy bólimderdiń ótýine baılanysty aýa-raıynyń turaqsyz sıpaty saqtalady, jańbyr jaýady, taýly aýdandardyń ońtústik-shyǵysynda naızaǵaı oınap, daýyl turyp, jaýyn-shashyn (jańbyr, jabysqaq qar), burshaq jaýýy múmkin. QR batysynda, soltústiginde, soltústik-batysynda qatty jańbyr jaýady dep kútilýde. QR batysynda, soltústiginde, ońtústik-shyǵysynda tuman kútiledi.

Jambyl, Qyzylorda, Atyraý obylysynyń batysynda, shyǵysynda, Aqtóbe oblysynyń batysynda, ortalyǵynda, Mańǵystaý oblysynyń soltústiginde, shyǵysynda, ońtústik-shyǵysynda tótenshe órt qaýpi kútiledi.

Batys Qazaqstan oblysynyń soltústiginde, ortalyǵynda joǵary órt qaýpi, oblystyń ońtústik-batysynda, soltústik-batysynda, shyǵysynda tótenshe órt qaýpi saqtalady.

Abaı oblysynda, Shyǵys Qazaqstan oblysynda, Jetisý oblysynynyń soltústik-shyǵysynda, ortalyǵynda, Ulytaý oblysynyń ońtústiginde, Qaraǵandy, Qostanaı oblystarynyń ońtústiginde joǵary órt qaýpi saqtalady.